امي في حضن خطيبى ( قصه واقعيه للموعظه)
لما دخلت قلي انتي تعرفي الشاب ده يا رزة؟ قلتله لا والله معرفوش ودي اول مرة اشوفه بحياتي قلي امال ليه كان بحزرك من امك وخطيبك قلتله معرفش والله انا بجد محتارة قلي تفتكري ان الي وصلو للحال ده يكون واحد من عيلتك قلتله ارجوك يا دكتور متبنيش استنتاجات على كلام مريض شبه فاقد للوعي كلامك ده ممكن يسبب مشكلة لاهلي قلي انا اسف بس الكلام الي قاله الشاب ده لايمكن اتجاهله قلتله هو حالته ايه دلوقتي وقدرتو تعرفو مين بكون؟ قلي هو دلوقتي بغيبوبه ومقدرناش نعرف عنه حاجه لانه مش حامل بطاقة
رحت البيت وانا بفكر يا ترا مين الشاب الغريب ده وليه كان بحزرني من امي وخطيبي شفت باب البيت فاتح دخلت وامي مكنتش موجودة حسيت ان في حاجة وحشة حصلت بالمكان اول مدخلت شعرت بضيق وخنقة شفت باب المخزن فاتح وفي اثار دم على الباب خفت اوي
والافكار الوحشة بدت تراودني يا ترإ دم مين ده؟ يا رب امي تكون بخير اتقدمت ناحية المخزن بخطوات خايفة ومترددة وقبل موصل احمد حط ايده بكتفي صرخت واتلفت بسرعة قعد يضحك وقلي رايحة فين يا بت قلتله لازم اشوف في ايه جوة هيا امي فين قلي امك بتلبس تعالي بس عاوز اقلك على حاجة قلتله بس لازم…. قلي تعالي سيبك من المخزن انتي عامله زي الطفل المشاغب
حسيت ان احمد مخبي عني حاجة تصرفاته كانت غريبه كانه بحاول يشغلني قلي انتي مش ملاحظه ان من يوم خطوبتنا مبسناش بعض قلتله ايه يا احمد انت اتجننت ولا ايه؟ مينفعش طبعآ قلي وليه مينفعش اييه مش خطيبتي وهتبقي مراتي مفهاش حاجة يلا هاتي بوسه قلتله طب غمض عيونك وهديك بوسك
سبته لما غمض وضربته بالمخدة وجريت وهو جاري ورايا وعايز يمسكني وانا بضحك فجاءة امي طلعت وهي مكشرة وزعقت فينا قلتلنا بس بقا دماغي هيتفجر انتو مش عيال صغيرين ايه الدوشة دي؟ 😒
حسيت ان في اتفاق بين احمد وامي كانهم عاملين حاجة ومش عايزين يقلولي امي قلتلي روحي اعمليلي كباية شاي دماغي هتتفجر واياكي تدخلي المخزن لاني برتب فيه قلتلها حاضر